MathleTIC Kapprechnen-Challenge 2024

Zanter 2015 ass d’Léierplattform MathemaTIC.lu fir all Schüler an Enseignanten zu Lëtzebuerg déi IAM Zougang hunn gratis verfügbar. D’Plattform riicht sech u Schüler aus de Cyclen 3 a 4 vun der Grondschoul, de Klasse vun der Voie de Preparatoire an de Klasse vum Cycle Inférieur am Lycéeë.

MathemaTIC ass en interaktiven, digitalen a méisproochege Léierprogramm, deen op d’Bedierfnesser vun de Schüler ugepasst ass. Den Inhalt entsprécht de Kompetenzen vun de Léierpläng vun der Grondschoul a vun de Lycéen zu Lëtzebuerg. Déi verschidde Funktiounen op MathemaTIC.lu erméiglechen den Enseignanten hire Mathésunterrecht ze differenzéieren, spezifesch op d’Bedierfnesser vun de Schüler ze reagéieren an domat hir Motivatioun ze steigeren.

Ugespéngelt ass de Flyer an de Poster mat de Formatiounen an Eventer fir d’Schouljoer 2024/2025 fir d’Grondschoulen, Lycéeën a Maison Relaisen:

• De MahleTIC Kapprechnen-Challenge vum 16. bis de 18. Oktober 2024 mat flotte Präisser fir d’Klassen;
• E-Formatioune an Zesummenaarbecht mam IFEN op Moodle:
• Starter (http://www.edulink.lu/g179)
• Cycle 3 (http://www.edulink.lu/srsz)
• Cycle 4 (http://www.edulink.lu/fbyz)
• Voie de Prépartation (http://www.edulink.lu/hv6i)
• ESG / ESC (http://www.edulink.lu/vnih)
• PLC fir Mathematik (http://www.edulink.lu/i5u0)

Fir weider Informatioune mellt Iech w.e.g. beim Team MathemaTIC um 247-75249 oder per E-Mail mathematic@script.lu.