LuxSkills – Carrelage

De Beruff vum Plätterchersleeër entsprécht der Installatioun vu Keramiksplätterscher, Mosaik an Natursteen op Maueren, Biedem an Trapen, souwuel an Heiser, Industrie- an ëffentleche Gebaier, Kierchen a Schwämmen, souwéi op Installatiounen a Baussenflächen, fir dekorativ Zwecker oder fir ze schützen. Et beinhalt och d’Konstruktioun vu klenge Maueren an Trape mat Zillen, Gipsplättercher oder Zellbeton. D’Plätterchersleeër schaffe mat Pläng an Uweisungen. Als éischt moossen se d’Surface déi ze léen ass, a berechnen d’Mindestzuel vu Plättercher déi néideg sinn. Nodeems se déi existent Ofdeckung erofgeholl hunn, preparéieren se d’Fläch (de Buedem mat Sand an Zement ofdecken, oder Botz applizéiere wann et eng Mauer ass). Si musse vläicht d’Plättercher schneide fir dass se passen. Plätterchersléer kënnen sech och an engem Beräich vun enger Aktivitéit spezialiséieren wéi zBsp. dem Mosaik.

www.worldskills.lu