LevelUp Concoursen

Dir kënnt eegestänneg e Schoulconcours organiséieren, andeem s Dir Iech zu e puer Klassen aus Ärer Schoul bei engem LevelUp Concours umellt. D’Resultater vum jeeweilegen Concours kënnen am Kader vun engem Event/ Schoulfest presentéiert ginn. Dir kënnt Iech och zu e puer Klassen aus ënnerschiddleche Schoulen umellen a géinteneen untrieden.

Fir autonom durchféierbar Concourse kënnt Dir Är Klass oder e Grupp vu Schülerinnen a Schüler jidderzäit aschreiwen. Wann Dir registréiert sidd, hutt Dir Accès op sämtlech Dokumenter, déi Dir braucht, fir de Concours duerchzeféieren. Um Enn vum Concours kënnt Dir och selwer Certificate fir Schülerinnen a Schüler generéieren.

Wann Dir Iech fir en encadréierte Concours umellt, da gitt Dir vun engem Responsabele vun deem Concours kontaktéiert, fir e méiglechen Datum festzeleeën. Fir dës Concourse kënnt eng Persoun bei Iech an d’Klass, déi de Concours duerchféiert an och dat néidegt Material matbréngt. Aus all de Klassen, déi matmaachen, gëtt zum Schluss ee Gewënner ermëttelt.

Et ginn och verschidde Wochen-Challengen; déi starten no der Allerhellegevakanz. All puer Woche kënnt eng nei Challenge, déi Dir mat Ärer Klass/ Grupp packe musst. Nodeem s Dir d’Challenge gemeeschtert hutt, kënnt Dir d’Resultater (Fotoen oder Videoen) dovun eroplueden. Déi beschte Klasse gewannen e flotte Präis oder triede spéider an enger Finall géinteneen un.