My First Enterprise
Zeréck goen
Kuerz Beschreiwung
D’Jonk Entrepreneuren Luxembourg invitéieren d’ Schüler aus de 4ièmes Klassen (14-16 Joer) fir un My First Enterprise deelzehuelen – eng eenzegaarteg Méiglechkeet, en éischte Business mat nëmmen 50€ Kapital opzebauen!
Iwwert eng Period vu 10 Wochen schaffe Gruppen aus 3 bis 4 Schüler zesummen, fir mat dësem Startkapital vun 50€ duerch kreativ Iddie d’Kapital ze vergréisseren. Dëst kann duerch Aktivitéiten ewéi den An- a Verkaf vu klenge Produkter, d’Ubidde vun engem Service oder eng kleng Produktiounsaktioun geschéien. D’Zil ass et, den éischte Schrëtt an d’Welt vun der Entreprise-Gestioun ze maachen.
Jiddwer Grupp dokumentéiert detailléiert all Aktivitéit, vun der Beschaffung vu Rohmaterialien bis hin zum Verkaf, der Gestioun vum Keesbuch an hir Marketingstrategien. Dobäi gi si motivéiert, Initiativ ze weisen an Decisiounen onofhängeg ze treffen. Eng Léierpersoun betreit a beréit d’Gruppen als Coach.
D’Finale vun dësem spannende Programm, an der déi beschte Projeten ausgezeechent ginn, gëtt zesumme mat Deloitte am Juni organiséiert.
De Projet My First Enterprise erméiglecht de Jonken, am Grupp zesummen ze schaffen, e Projet z’organiséieren, Kontakter mat Fournisseuren an Konsumenten opzebauen an sech op zukünfteg Projeten virzebereeden.
Méi Informatiounen an Umeldung:
