Junior Project Awards

D’Junior Project Awards (JPA) ginn eemol am Joer organiséiert a setzen déi innovativ Projeten vun de Lycéesschüler, déi iwwert d’ganz Schouljoer realiséiert goufen, an de Mëttelpunkt.

D’Haaptzil vun de JPA ass et, d’Visibilitéit an d’Unerkennung vun den Initiativen vun de Jonken ze stäerken, hir Kreativitéit, hiren Engagement an hiren entrepreneurialen Geescht ze belounen.

Dëse flotte Programm bitt de Participanten eng eenzegaarteg Geleeënheet: hire Projet virun engem Public virzestellen, Erfarungen mat aneren Teams ze deelen an sech mat Fachleit aus verschiddene Secteuren auszetauschen.

All Projeten si wëllkomm, ob kulturell, karitativ, ekologesch, entrepreneurial oder anerer.

D’JPA sinn op fir Schüler aus dem Secondaire Général a Classique vu 7e bis bei 2e. Et ginn zwou Compétitiounen organiséiert:

• Eng fir d’Schüler vu 7e bis 5e
• Eng aner fir d’Schüler vu 4e bis 2^e

Wichteg Bemierkung: Projeten, déi schonn am Kader vun anere Programmer vu Jonk Entrepreneuren Luxembourg agereecht goufen (zum Beispill: My First Enterprise, Mini-Entreprise, asw.), sinn net fir d’Junior Project Awards zougelooss.

https://jonk-entrepreneuren.lu/fr/