Applaus Challenge 2025
Zeréck goen
Kuerz Beschreiwung
„Ee groussen Applaus fir är Klass!“ Esou kéint et heeschen, wann dir äre groussen Optrëtt mat ärer Klass aus dem C3.2 – 4.1 an der Arena vun der YEP-Schoulfoire hutt. Bis dohinner muss är Performance mat Musek, Danz a Schauspill awer natierlech sëtzen. Mee keng Angscht, déi eenzel Etappe vun dëser Challenge wäerten iech mat flotten Aufgaben dorop virbereeden. Esou kënnt dir ären Optrëtt dann och richteg genéissen a feieren.
D’Ekippe vu mimamu (mir maache Musek) a makedra (maach keen Drama) bidden an dësem Schouljoer nämlech eng gemeinsam Challenge un. Dobäi léieren d‘Klassen am Kader vun engem Minimusical déi villsäiteg Beräicher vun der Konscht op der Bün, also de „performing Arts“ kennen an kënnen dobäi hir perséinlech Stäerkten entwéckelen.
Ab dem 06.11. luede mir ëmmer mëttwochs no der Vakanz eng nei Challenge erop, déi dir da bis déi nächst Vakanz léisen oder übe sollt. Déi bescht Resultater aus den éischten zwou Challenges qualifizéieren sech fir déi drëtt Challenge. Dës ass och d’Préparatioun fir den Optrëtt op der YEP.
Hutt dir Loscht op spannend Aufgaben am Beräich Musek, Beweegung an szenescht Spill a sidd der Meenung är Klass soll d’Gleegenheet hu mat engem eegene Mini-Musical op enger grousser Bün ze stoen? Da melt iech nach bis den 23. Oktober u fir d’Applaus Challenge!
Aart vum Concours
6 Wochen Challenge
Challenge 1: 06/11/2024 – 20/12/2025 (Musek)
Challenge 2: 08/01/2025 – 14/02/2025 (Danz a Bewegung)
(Duerno qualifizéiere sech 4 Klasse fir déi lescht Challenge)
Challenge 3: 26/02/2024 – 28/04/2025 (Schauspill)
